自己Package 自己練

自己Package自己練

原來排骨仔係一個package, 個package除咗有sexy嘅鎖骨,仲包埋麻麻哋嘅免疫功能骨質疏鬆症、生育問題、貧血、脫髮乾性皮膚呢一抽問題。 脫髮呢吓就事大,排骨君點會接受到自己會係一個有地中海嘅吳彥祖,所以增肥係唯一出路。 減肥好難,其實增肥其實都唔易。你以為淨係狂食咁簡單?梗係唔係啦!要識食至得,否則得不償失!

  • 一日至少三餐: 三餐主食都應該係蛋白質,脂肪同碳水化合物。

餐同餐之間可加入高營養嘅零食,好似係果仁(杏仁,核桃,花生等), 乾果 (提子乾,梅乾等), 牛油果, 全脂奶,全脂奶酪及乳酪, 花生醬, 中式糖水(芝麻糊, 紅豆沙, 番薯糖水等)。

  • 少食多餐: 如果胃口比較細,可分五至六餐食。排骨君三點不露下午茶當早午餐加埋,想肥都難,唔瘦落去都已經偷笑。

 

  • 避免餐前飲太多液體 : 成肚水,邊仲放得落其他嘢?

 

  • 先食高熱量同高蛋白質食物,再食蔬菜。因為蔬菜呢啲低卡路里高纖食物好快令人有飽肚感。

 

  • 每餐食多啲蛋白質食物,加埋重力訓練就可以增加肌肉。咁排骨君就可以由sexy鎖骨變咗powerful胸肌啦。

 

  • 以汁代水: 口渴果時,唔飲水改飲全脂奶或鮮果汁, 就無時無刻都吸收緊卡路里啦