食油養生法

General information美研究_吃魚油_運動_有效降低膽固醇

食油係可以養生?係就真係喜訊!當然,同所有有效養生嘅方法一樣,就係要有紀律,無嘅話幾有效嘅方法,都只有反彈。

 

怕肥但都要知食緊咩油囉!

 

我哋日常多數食花生油、牛油、芥花子油、粟米油等,但係最健康嘅其實係魚油,魚油裡面嘅Omega 3就係關鍵,佢當中含有嘅DHA同EPA,對我哋身體好多方面都好有幫助。但係要留意,唔係所有魚都含有Omega 3,狂隊鯇魚腩同班腩只會令人增磅。較簡單嘅講法係深海魚嘅魚油先work㗎!

 

以下就係含魚油量多寡嘅食物:
◎油多,魚油比例高:三文魚、秋刀魚、鯖魚。
◎油少,魚油比例高:鮪魚(吞拿魚)、鱸魚、蝦、蠔。
◎油多,魚油比例低:鱈魚、石斑。
◎油少,魚油比例低:淡水養殖魚類,如:鯉魚、鯇魚。

 

很想很想勁食蟹,就算今年大閘蟹問題多多,蟹精總會出動。

爆食一輪,滿足咗條脷後,係時候做番啲嘢。

壞膽固醇高咗,係時候要食番啲好膽固醇平衡吓。

Omega-3有助人體代謝膽固醇,亦即係「清血脂」,俗稱「清血」。對於膽固醇過高嘅人嚟講,適量進食魚油係可協助降低壞膽固醇。。

 

 

齋食魚油幫到幾多?

要贖怒食之罪,點會係食吓魚就完全解決?美國一項研究就講到明,齋食魚油係幫到吓手,但要降到血脂係要加埋運動。每星期要做中或高強度運動三到四次,每次40分鐘左右。

 

為咗大閘蟹值唔值?

做緊運動爆緊汗嘅時候 -  唔值!

食緊蟹膏嘅時候 - 值!