飲大兩杯之後…

飲大兩杯之後-hero-banner

蒲當然少不免飲幾杯,明明撻落床就以九秒九極速瞓著。 但係好多時第二日瞓醒後,竟然好似無瞓過咁,返工多數都會行屍走肉咁,攰到爆。

瞓覺其實係咩一回事

正常睡眠係由淺睡開始,至慢波睡眠,再到深層睡眠,呢三個階段叫做非快速眼動睡眠,歷時大概90分鐘。之後就會進入快速眼動睡眠。再之後非快速眼動睡眠同快速眼動睡眠不斷循環交替。一個人每晚通常會經歷呢個循環三至五次。

酒精除咗亂性之外,仲會搞壞睡眠質素

  • 飲少少酒係可以令人放鬆,容易啲瞓著,但就會破壞睡眠循環,令人停咗喺淺睡狀態,好難會入到深層睡眠。無咗深層睡眠,就好難恢復體力,身體亦都復原唔到。
  • 飲完酒後會瞓得著,但酒精在身體漸漸分解後,意識會逐漸恢復,睡眠狀態不能維持。因此睡眠質素受到影響。
  • 酒精令人易啲瞓著,但同時會鬆馳口腔同咽喉組織,影響呼吸,產生鼻鼾,嚴重嘅仲會引發睡眠窒息症,進一步影響睡眠質素。
  • 酒精有利尿作用, 無論幾快瞓著都好,急尿煩過鬧鐘,好多時會嘈醒你,叫你起身痾夜尿。

偶爾一晚半晚飲兩杯都仲可以接受嘅。但如果用酒精嚟自己容易啲瞓, 就真係幫唔到幾多,長期瞓唔到就要要揾專業人士幫手。