有枝棒話:好似係,除非唔係

有枝棒話:好似係,除非唔係-hero-banner

人生中不能承受嘅忐忑,包括等對六合彩 、等放榜…仲有等緊驗孕棒果條線。

有個好姊妹經期遲咗,去買枝驗孕棒驗吓,結果話有咗。女方好高興,但男方就覺得未係時候。點知睇醫生,醫生話無喎,男友就覺得係女友逼婚手段。

結果:分手。完。

 

99%都唔準?

好多驗孕棒都話準確性高達99% ,但係原來太早驗或者做法唔啱都會唔準,

出現假陰性(有咗但係驗到無)或假陽性(明明無就話有咗)。

假陰性(有咗但係驗到無)

  • 測試前飲太多水,會溝稀咗尿液內啲激素,減低驗到嘅機會
  • 象徵懷孕的激素喺尿液嘅濃度會隨著懷孕週期上升。如果過早驗,係有機會驗唔到。建議喺預期月經黎嘅第一日驗,可以減低假陰性嘅機會

假陽性(明明無就話有咗)

  • 過去八星期內曾分娩或小產

驗孕注意事項

  • 用朝早起身第一次嘅尿液可以減低假陰性嘅機會
  • 正確步驟:尿液樣本沾濕咗驗孕棒後,唔好心急,等待大概1-2分鐘後先睇結果(實際等候時間唔同驗孕棒產品都有唔同,要參考說明書)
  • 留意返對照區(Control)有無出現一條線,有呢條線嘅驗孕棒先至係操作正常㗎