念珠菌的宿命

念珠菌的宿命

念珠菌? 10個姊妹起碼有7個即刻知咩事。

點解呀?皆因有數據指每4個女仔就有3個會至少中過一次陰道念珠菌感染,最慘係近一半人會翻發。唉…本身每個月已經梗局有幾日M come,一個唔該再中埋陰部念珠菌,咁就真係好濕滯。

而呢隻菌最煩係會搞到妹妹勁痕,但公眾場所又唔可以⋯⋯(羞~)

 

病徵

 

陰部除左會激癢外,仲可能會紅腫,喺排尿或行房時會有灼熱感或疼痛,亦有機會出現極小/沒有異味呈豆腐狀的白色分泌。

 

預防方法

1. 要保持陰部位置乾爽,選穿純棉吸汗透氣的內褲,避免穿著緊身衣物。

2. 講開念珠菌,好多人會提益生菌。雖然有研究發現益生菌可抑制念珠菌生長同阻止念珠菌黏附喺陰道細胞上,但呢D都只係體外研究嘅結果,並唔可以直接套用喺人體身上。

3. 其實而家仲未有足夠數據證明益生菌對預防陰道念珠菌感染有幫助,但佢相對安全,好少引起副作用,成日受呢個問題困擾嘅姊妹可以諗諗。但係記住,保持陰部乾爽先係最重要嘅。

 

一句講晒,要避免陰道念珠菌感染首先就要減少「妹妹」長期濕溼 ,至於點樣可以避開人生嘅濕滯呢,麻煩大家有好方法記得話我知。