Tina_1
中醫師
Max_2
營養師
Jeremy_1
藥劑師
香港中醫藥管理委員會註冊中醫師 香港中文大學中醫學學士 現於屈臣氏藥房任職註冊中醫師
註冊營養師 澳洲悉尼大學營養學學士 ISSA運動營養學證書   為《晴報》及《都市日報》撰寫專欄;多次擔任講師及主理健康烹飪班,曾與香港復康會、香港單親協會、羅氏大藥廠等機構合作。具豐富營養知識及經驗於處理三高、減重、運動等健康問題。
香港大學藥劑學學士畢業,曾於博愛醫院實習,經香港藥劑業及毒藥管理局註冊成為藥劑師後,現正修讀香港中文大學臨床藥劑學碩士課程,並於屈臣氏藥房任職藥劑師,曾主理屈臣氏藥劑師熱線,專門解答市民有關藥物及健康的查詢。

常見健康問題

中醫 - 一到春夏天就好容易大便爛,係咪關天氣濕熱事呢?

春夏季空氣濕度會升高,中醫認為「天人合一」 ,每當天氣潮濕,人體濕氣都會相對旺盛,再加上依家好多人都鍾意飲凍野食生冷野,就會影響負責運化濕氣嘅臟腑-脾臟嘅功能,內憂外患下,令身體困住濕氣,除左大便會溏爛之外,仲會出現身體困重、倦怠、頭重重等情況。

中醫 - 成日便秘,飲火麻仁係咪OK?

中醫認為,便秘嘅原因有好多,最常見嘅分型為「實秘」、「虛秘」、「熱秘」、「冷秘」。

而火麻仁性味甘平,有潤腸通便嘅功效,兼有滋養保虛嘅作用,適合因水份不足而腸燥嘅便秘証。

要注意每次唔好飲過量火麻仁,脾胃虛弱便溏人士同孕婦都不宜飲用,詳情可向註冊中醫師查詢。

中醫 - 我一食錯少少野就會肚痾,可以有咩預防方法?

「濕」係肚痾嘅幕後黑手,而肚痾都分多種類型,但主因都不外乎係脾虛濕盛。

首先要知道自己食咗咩野之後容易肚痾,或過食生冷食物,求診時中醫師會同你解釋返你係屬於邊種類型嘅肚痾:寒濕、濕熱、傷食等等,從而幫你搵到預防嘅方法,具體嘅情況歡迎搵我哋嘅屈臣氏註冊中醫師查詢。

中醫 - 老人家唔夠力去大便,次次都要坐好耐先去到,可以點算?

「虛秘」係指大便質地並唔乾硬,雖然有便意但係要坐好耐先去到,完厠後覺得疲倦無氣嘅情況。

老人家身體機體退化,氣血虛弱,令脾胃功能下降,推動無力,平時可以順時針按摩或者暖敷腹部,再配合益氣養血嘅中藥,詳情可以向註冊中醫師查詢。

如有任何查詢,歡迎聯絡我們。
電郵地址:watsons_cs_eservice@asw.com.hk